किरात राई सोसाइटी अफ अमेरिका केआरएसएको रक्तदान कार्यक्रम ऐतिहासिक रुपमा क्विन्सको ज्याक्सन हाइट्सस्थित सत्यनारायणमन्दिरमा सम्पन्न भएको छ ।
रक्तदानमा सहभागीहरूले केआरएसएका केन्द्रीय अध्यक्ष खगेन्द्र राई र न्यू योर्क च्याप्टर अध्यक्ष वाकासा वान्तावाले प्रमाणपत्र वितरणगरेका थिए । केआरएसएले आफ्नो स्थापना दिवसको अवसरमा हरेक वर्ष रक्तदान कार्यक्रम आयोजना गर्दै आएको छ । रक्तदानकालागि न्यू योर्क ब्लड सेन्टरले सहकार्य गर्दै आएको छ ।रक्तदान कार्यक्रममा एक दर्जनभन्दा बढी मानिस नेपाली समुदाय बाहिरका थिए ।
कार्यक्रममा ९६ पाउन्ड रगत सङ्कलन भएको केआरएसएका केन्द्रीय सचिव सुमन नाछिरिङले बताए ।
